Çand û edetqel çîmentûwe ke mîrowgel(insan) le seri pa digirî. Heta dê panzdê sal werji î qave ey edete le degelî îme gî hêwî. Ey edete xênce îme le kû hestin wê nêzanim lê “OXİR” le dêgeli îme hêwî û heman nû êdin dîestî.
Le edetê îme wexte ke jine didî le oxiri merikgel tiştî firê eyw wî. Oxir çastin? Oxir; wexte ke mêrikî dielwiqirî jine je verî merike nê xericî heta ke merike dixericî û diçû. Ke jine werji merike wixericî firê eywe, ewkese tiştî mûhime.
Kêçax ke milletê êdî je degel bar kirdin we şêr ey edete êdî kem kem hîştigin we cî. Le seri ey edete je zarûtî xum mînakî wirim. Mînakî; bîçikim, dazde an jî sîzdê sal hestim ke xweşim we e edete nedihat.
Rûjî çîm we êdikim witim edê niyay ke wiçin we baxê. (Le dêyê îme her malî baxî êngurê hewî)
Edikim jî şa wî û wit ke de este qe wiçîn. Ke dikey çîn ingirim ke merikî aya diyay keftim de pîli edikim û dam le oxiri merike, Min we hûşê zarûtiyê xumo xweşim we ey edeteman ne dihat û gordi ey edete ceng dikirdim ke jinqel jê ey zûritîye xilas win.
Edikim qêrê lêm qirt û wem vit la law dwête tu era eço kirdê? Min we derdi ew eywe ne keftiyim derdê dili min ezîyeta ke jinqel dikîşinê.
Min dişim ke bila ey edete je nawça estî. Hetta le firê şûn jî dişîn ke wexte ke jine le oxiri mêrike ne vista û ke da le oxiri ra mêrike bext xirawî diwage. Tişti xiraw dihatige we serê
Eycare jî dikerim ke dili edikim wî kerim lê, le la dili ewî tiştî firê xirawe û eywe. Lê le la dilimin karî firê baş kirdigim. Min û edikim çîn wê nawî baxê û ra edikim qalê kirdim qe ede mesela ayastin.
Min xweşim we ey ededê xuman nîyay, ra xatiri ewe eço kirdim. Ey edete le la dili milletê îme wekî ol (din) wî. Ke diday le oxiri mêrike dawîşe ke gune wî. Ewqese tiştekî pîroz wî.
Halbûke le pêxembereman ke dingirê, Fatmê dwêtê qe je dero dikefî je dûrîn, je weri dwêtê xwê diestî we pa.
Nêwîşike eye jine, min raçe je verê estim we pa? Yekî jî we rastî ey edete tiştikê we dinê nê kefî.
Ey qave ey edete edin le wo çaxê mage, çûnke jingel edin dixwînin û diwîninê ke edeti eço îjnîyê û wê dihesin ke jine jî yekî ke mêrike jî yekî ke.
Edete tiştekî eçowe ke milletê xwê le seri pa digirî. Lê helbet edete başe le bani ser û çêwe, ke baş niye jî da wîlînê we cî. Milletî ke çiqas xwê wogwêrnand, ewqese we nûya da wi çû.
